Runt Ísland í 1 ella 2 vikur við gisting
Sigl & gist
Bilferð eftir ringvegnum í Íslandi í eina ella tvær vikur við gisting. Tú upplivir kendu náttúrperlurnar á rutuni – frá Gullfossi, Dettifossi og Góðafossi til lavalandsløg, gosop og geysir.
Og eftir ein langan dag er einki sum at slappa av í eini heitari keldu ella svimjihyli. Gistingin er á hotellum, gistingarhúsum og bóndagørðum.
Heystið 2025
Úr kr. 8.590
fyri hvønn
Heystið 2025
Úr kr. 8.590
8 nætur í Íslandi
úr kr. 8.590
15 nætur í Íslandi
úr kr. 13.995
Íroknað
- Prísur fyri hvønn, tá 2 ferðast saman
- Ferð við Norrönu til Íslands og aftur
- 2-koyggjukamar uttan vindeyga
- 1 bilur <1,9m H & 5m L
- Dagsskrá fyri hvønn dag
- Dupultkamar við wc/bað og morgunmatur allar dagar í Íslandi
Ferðatíðarskeið
08.09 – 29.10.2025
Fráferð úr Havnini týsdag
Heimferð úr Seyðisfirði hósdag
Bílegging
Bílegg pakkaferðina á tlf. 345900 ella skriva til booking@smyrilline.fo.
Lagaligar keypstreytir
Rinda 25% við bílegging, tó í minsta lagi kr. 6.000. Restin fellur til gjaldingar 30 dagar áðrenn fráferð.
1 vika pakkaferð dømi
Ein stuttur, men sera víðfevndur túrur. Farleiðin sneiðir seg um alt Ísland, soleiðis at høvi verður at vitja tey mest áhugaverdu støðini í Íslandi. Snøgt sagt: Runt Ísland uppá stytstu tíð
Nætur
6, 7, 8 ella 9
Slag av gisting
Hotel og gistingarhús
Tíðarskeið vár til heyst
01.04.25 – 30.10.25
Strekki
Umleið 1800-2000 km
Dagur 1
Eftir at hava koyrt í land av Norrönu, heldur tú leiðina fram av Seyðisfirði til Egilsstaðir, har tú steðgar á við ymsu fossarnar á vegnum. Tá tú hevur verið ein túr á Egilsstøðum kanst tú koyra ígjøgnum Skriðudal og omanfyri fjallaskarðið Breið dalheiði ella velur tú møguleikan at koyra framvið eysturfirðunum og steðga við Petru´sa Steinsavn. Síðani koyrir tú víðari eftir vegakervinum, ið skákar sær ymsar vegir eftir stórsliðna landslagnum. Tú koyrir framvið lítlu fiskivinnubygd ini Djúpivogur hagani frá til Höfn, ein størri bygd við einari týdning almiklari fiskivinnuhavn. Gist verður antin í Djúpivogur ella í umráðnum við Höfn.
Dagur 2
Fyrst koyrir tú til „jøkul-lóneyga“ Jökulsárlón har stór ísfjøll flóta runt jøkulin. Tú hevur møguleika at sigla á sjálvum pollinum, um hugur er til tess. Eftir hetta, er áhugavert at leggja leiðina framvið tjóðarparkini Skaftafelli og ganga til Svartafoss (1½ tími at ganga) áðrenn tú heldur leiðina fram við suðurstrondini. Á leiðini gongur tú framvið Skeiðalársandi, sum er ein gjøgnumskolaður slætti av svørtum sandi við fótin av sjálvum jøklinum. Møguleiki er harnæst at steðga við hugtakandi basalt-røðina Dverghamrar. Síðani kemur tú framvið bygdini Kirkjubæjarklaustur, og leggur leiðina ígjøgnum Mýrdalssand áðrenn tú kemur til bygdina Vík. Nærhendis Vík (eftir 25. juni og fram til miðjan aug.), er møguleiki at eygleiða lundalívið, við at koyra til Dyrhólaey bjørgini. Gistingarmøguleikar eru í økinum.
Dagur 3
Legg leiðina framvið bygdasavninum, umframt kenda Skógar fossi í bygdini Skógar, áðrenn tú fert víðari framvið suður strondini. Tú kemur til kenda Seljalandsfossin, ein vakur fossur, ið er sertakur við at tú kannst fara ein túr inn undir foss in, um tú ikki ert bangin fyri eitt gerast eitt sindur vát/ur. Í dag verður eisini høvi at vitja nøkur av kendastu plássum í Íslandi. Gullfoss, ið fólk skýra at vera vakrasta foss Íslands og Geysir, umráðið við heitu keldunum har víðagitni Strokkur, sprænir kókandi vatn himmalhøgt – saman við eini ørgrynnu av kókandi, dampandi smærri keldum. Tingvallir er næsta ferðamál á skránni, uttanduraparlamentið, kent sum verðins elsta lóg gávuting – við grundarsteini heilt aftur í ár 930. Umráðið kring Tingvallir, er eisini sera áhugavert í geologiskum høpi, hettar tí tað liggur ovast á miðatlantiska fjallarygginum har tvær jarðarskorpur spakuliga eru við at fara sundur. Henda gongdin elvir til nógvar rivur í jørðina á Tingvøllum. Gisting er nærhendis Selfossi.
Dagur 4
Um morgunin koyrir tú til Reykjavíkar, fyri at uppliva býar lívið. Um áhugin er, kannst tú brúka seinnapartin til ein svimji túr í Bláa Lóni við tí miniralríka heita saltvatninum, sum er gott bæði fyri likam og sál. Gist er við Borgarfjørðin.
Dagur 5
Í dag er møguleiki at vitja Hraunfoss, bygdina Reykholt og heitu kelduna Deildartunguhver. Eftir hetta heldur tú áfram norður eftir, framvið goskoppinum Grábrók (sum tú kanst klatra uppá, fyri at fáa eitt framúrskarandi útsýnið yvir alt økið) og yvir Holtavörduheiðarskarðið sum leiðir teg víðari til Húnavatns sýslu. Hetta umráðið hevur landbrúk, sum høvuðsvinnu og Skagafjarðarsýsla er víðagitið fyri sítt hestahald. Møguleiki er at vitja Glaumbær Savnið við gomlu torvhúsunum. Halt áfram yvir stórfingna Øxnadalsheiðsskarið (550 m) til Akureyri, sum er mest tíðandi býur norðanfyri. Gist verður í ella nærhendis Akureyri.
Dagur 6
Koyr framvið Góðafossi til Mývatn, har tú hugnar tær restina av degnum. Á Skútstøðum er eitt umráði við huldisligum gosholum. Dimmuborgir er ein grótbraðingar villiniborg við gátuførum grótbraðingarskøpum, sum líva fyri og elva til ríkan plantuvøkstur. Viðmælt verður at spáka sær ein túr í umráðnum. Ein vitjan til Námaskarðar svávulsdýki við gráu kókandi rununi, litaðari av gulum svávulblørum… og ógoymandi lukturin. Til ber eisini at fara uppá Hverfjall ella vitja Grjótagjá, sum er sprunga fyllt við heitum vatni, ella Stórugjá, sum er átøk hesi fyrru. Gisting er við Mývatns økið.
Dagur 7
Koyr norðureftir framvið Tjørnes hálvoynni og steðga í fiskivinnubygdini Húsavík – kannað hugnaliga havnarøkið – ella vel møguleikan at eygleiða hval, ið svimur úti fyri strondini. Aftaná heldur tú leiðina áfram til Ásbyrgi, ið hevur skap sum hestaskógvur – har fært tú eisini høvi at spáka ein túr ígjøgnum eina lítla, men áhugaverda skóg. Síðani koyrir tú framvið Jøkulsárgljúf, sum er tjóðarlund. Møguleiki er at vitja Hafragilsfoss og ikki at gloyma Dettifoss, ið er kraftmiklasti fossur Íslands. Eftir at hava gingið oman grýtuta lendið, fyri at skoða fossin – heldur tú leiðina áfram yvir háslættan Møðrudaleiði ímóti eystri. At enda koyrir tú ígjøgnum Jøkuldalin til Egilsstaðir, týdningarmesta býin á Eysturlandinum, at fáa innivist fyri náttina.
Dagur 8
Tú koyrir aftur til Seyðisfirðar og umborð á Norrönu.
2 vikur pakkaferð dømi
Ein sera fjølbroyttur túrur, ið umfatar meginpartin av Íslandi uttan ov nógvan skund. Øll hámarks øki Íslands eru íroknað túrin, uttan hálendis miðøkið og Vesturfirðirnir – sera væl hóskandi fyri ferðandi, sum ynskja at síggja sum mest av Íslandi uttan at skunda sær.
Nætur
13, 14, 15 ella 16
Slag av gisting
Hotel og gistingarhús
Tíðarskeið vár til heyst
01.04.25 – 23.10.25
Strekki
Umleið 3300-3900 km
Dagur 1
Eftir at vera komin í land av Norrönu, fært tú góða tíð at hyggja teg íkring á Seyðisfirði. Millum annað, er høvi at vitja eitt áhugavert tekniskt savn. Aftaná koyrir tú til Egilsstaðir, og kannst steðga við fossarnar, sum liggja fram við vegnum. Tá tú hevur hugt teg um á Egilsstøðum, eru ymsar útferðir at velja ímillum. Millum annað, kannst tú koyra norðureftir til Borgar fjøð in Eystri, ein vøkur lítil bygd umgird við fagurlittum fjøllum, ella hevur tú valmøguleikan at koyra runt vatnið Logurinn og síggja størstu skóg Íslands Hallormsstaðarskógin og hagani spáka ein túr til Hengifoss. Gist verður á Egilsstøðum.
Dagur 2
Í dag fert tú á vitjan í einum øki har ferðafólk sjáldan eru á gátt, so hendan vitjan er meira sjáldsom enn tær vanligu. Tú byrjar ferðina við at koyra eftir óslættu fjallgøtuni Hellisheiði, ið leiðir teg til fiskivinnubygdina Vopnafjørð. Hevur tú áhugað, so kannst tú fara á vitjan á Burstarfellissavninum. Onnur upplivingin kundi verið ein svimjitúrur í lítla svimjihylinum í Serárdali. Aftan á heldur tú ferðina áfram til eina aðra bygd, nevnd Tórshöfn. Um tú hevur ein jeep, er møguleiki at koyra allan vegin til Fontur, sum er ytsti endin á Langa nes hálvoynni. Gistingin verður í hesum umráðnum, ella í grannbygdini, Raufar höfn.
Dagur 3
Í dag hevur tú valmøguleikan at koyra til bygdina Raufar höfn fyri síðani at fylgja strondini Melrakkasletta, við sín um ríka fuglalívið – ella kannst tú stytta um leiðina við at koyra yvir um fjallaskarðið Øxarfjarðarheiði. Síðani koyrir tú suður um Hólssand, fyri at koma fram til Dettifoss, størsta fossin í Íslandi. Aftaná heldur tú áfram eftir høvuðsvegnum fyri at vitja Ásbyrgi – gjónna, ið hevur skap sum hestaskógvur, áðrenn ferðin gongur víðari til Húsavíkar – (har møguleikin er at skoða hval, ið svimur fram við strondini) ella fara til Mývatn, har tú skalt gista.
Dagur 4
Í dag brúkar tú meginpartin av degnum á Mývatnsleiðini at vitja áhugverd umframt søgulig støð, til dømis Kraflu,
gosfjallið, sum seinast goysti í 80´inum – svávulhyljarnar í Náma skarði, Dimmuborgir grótbræðingarvilliniborg og huldukendu-gosopini á Skútustøðum. Hagani koyrir tú til Góðafoss, guðanna foss – sum er ein fragd fyri eygað. Eftir hetta fert tú til Eyjafjørð og hugnar tær um kvøldið í vakra býnum Akureyri, ofta nevndur „Høvuðstaðurin í Norði“ – eitt gott hugskot er at vitja botaniska urtagarðin og ein túrur í svimjuhylin er ikki at forsmáa. Møguleikarnir at fara til handils í Akureyri eru avbera góðir umframt at ídnaðarútsøla av ull eisini er í býnum. Gist verður í Akureyri.
Dagur 5
Fyrst koyrir tú til Skagafjørð, sum er kent fyri sítt hesta hald. Her er møguleiki at vitja Glaumbær Savnið, við gomlu torvhúsunum, ið eru frá seinast í 19hundrað. Tú heldur áfram eftir høvuðsvegnum til bygdina Blönduós til umráðið Laugar bakki, har tú eisini gistir.
Dagur 6
Tú koyrir framvið Hjútafirði og yvir Laxárdalsheiði til norður síðuna av Snæfellsnes hálvoynni. Síðani heldur leiðina áfram við Skógarstrond til tú kemur fram til hugtakandi bygdina Stykkishólmur. Møguleiki er at fara út við báti seinnapartin (í háárstíð – skal bíleggjast áðrenn) og sigla millum tær mongu oyggjarnar í Breiðafirði – fiska jákupsskel og hyggja eftir sjófugli í umráðnum. Gist verður við Stykkishólm.
Dagur 7
Hetta er dagurin at rannsaka undranarsomu støðini ytst á hálvoynni t.d. bergtakandi Djúpalónssandin, (hagani ber til at gera ein gongutúr á uml. 3 tímar til Dritvíkar) og bergi Túfubjarg, umframt eitt av áhugaverdastu støðunum í umráðnum – Arnarstapi. Her reiðrast Ritan í blágrýtinum og møguleiki er at eygleiða hana við stuttari frástøðu. Ein gongutúrur fram við strondini í hesum umráðnum er næstan ófrávíkiligur. Aftaná kannst tú koyra framvið suðursíðuni á hálvoynni við einum støðgi í Gerðubergi, longstu basalt-røð í Íslandi. Eftir hetta gongur leiðin til Borgarnes, har gist verður.
Dagur 8
Í dag verður vitja í áhugaverdastu støðunum í Borgarfirði. Eitt av teimum er Deildartunguhver, ið hýsir størstu heitu keldu Íslands, sum leysgevur umleið 180 litrar av kókandi vatni um minuttin. Eisini sært tú Hraunfossar, sum er ein røð av smærri áum, ið spríkja fram úr grótbræðingini og samlast í eini størri rennandi á. Síðani heldur tú leiðina framvið Hvalfjørði aftur til Reykjavíkar.
Dagur 9
Ein frídagur í Reykjavík, har tú fært møguleikan at njóta hugnaliga høvuðstaðin. Um tú ikki hevur sett tær okkurt ávíst á skránna, kundi ein túrur í kirkjuna á Bessatøðum ella ein vitjan til heitu keldurnar í Krisuvík verið ein møguleiki – ella kundi hæddarpunktið verið ein svimjitúrur í miniralríka Bláa Lóninum – beinleiðis hitað úr undirgrundini. Eftir ein stimrandi svimju túr í sjáldsama gosgrýtuta umhvørvinum, verður koyrt inn aftur til Reykjvíkar at gista fyri aðru ferð, í hesum umfari.
Dagur 10
Koyr til Tingvellir, har gamla lóggávutingið hevur sín grundarstein. Hetta er eisini eitt umráðið við stórum jarð frøðilig um áhugað og tú fært møguleikan at ganga ein túr gjøgnum stóru rivurnar. Herfrá heldur tú leiðina áfram yvir skarðið Lyngdals heiður til bygdina Laugarvatn og hagani til økið við Geysir, har víðagitna heita keldan Strokkur, sendir kókandi vatn himmal høgt áleið hvønn 5 minutt. Næst á skránni er ein vitjan við Gullfoss, ið er skýrdur at vera av vakrastu fossum Íslands. Gist verður í umráðnum.
Dagur 11
Henda dagin sleppur tú á kanningarferð í vakra Tjórsar dalinum. Hesin dalurin var einaferð eitt gróðrarríkt landbúnaðarøkið, men í árinum 1104 varð hesin møguleikin burtur beindur tá gosfjallið Hekla gjørdi um seg við einum risa gosútbrotið. Um veðurlíkindini eru til staðar, gert møguleiki fyri eini áhugverdari rannsakan av hesum illa gitnað gosfjalli. Tú kannst vitja endurbyggjanina av garðinum Støng, sum fórst í eini spreinging um sama mundi í 1104. Eisini kann Fossurin Hjálp, ið er ein tvíburafossur og 3.størsti fossur Íslands, umframt Háifossur viðmælast at vitja – og ikki at gloyma lítla dalin Gjáir. Tú hevur møguleikan at koyra framvið orkuverkinum Búrfelli, áðrenn leiðin gongur aftur til gistingarhúsið.
Dagur 12
Á morgni leggur tú kósina framvið Seljalandsfossi og Skógafossi og hugnaliga býarsavninum í bygdini Skógar. Næsti støðgur er í fuglaberginum Dyrhólaey (letur upp aftaná 25. juni) har lundar halda til fram ímóti miðjum august – Lítla bygdin Vík, verður eisini vitja. Síðani koyrir tú yvirum gjøgnumvataðu fløtuna við Mýrdalssandin til Kirkjubæjarklaustur og heldur hagani áfram eystureftir. Á vegnum verður høvið at steðga á Dverghamri, við sínum basalt-røðum. At enda kemur tú fram til Skaftafell umráðið, har gist verður.
Day 13
Ein heilur dagur er tøkur at njóta margfeldni í Skaftafell tjóðarlundini. Í roynd og veru er møguleiki at koyra heilt til munnan á Svínafellsjøkuli, umframt at tað eru ótal av møguleikum at gera ymiskar gongutúrar í tjóðarlundini. Ein gongutúr til Svarta foss, (1½ tími) er næstan ein treyt. Gist verður á Skaftafells leiðini ella nær við bygdina Höfn.
Day 14
Í dag verður farið eystureftir framvið suðurstrondini og fyrsti týðandi støðgurin á degnum er við jøkul-lóneyga Jøkulsárlón. Í stóra pollinum flóta veldug ísfjøll íkring, og møguleiki er at sigla við báti ímillum tey, soleiðis at tú hevur høvi at uppliva hesi – minni enn eitt hanagleiv frá bátinum. Tá túrurin er at enda komin verður farið víðari til bygdina Höfn og um veðrið er til vildar, kann sýnið yvir Vatnajøkul vera ein fragt fyri eyga. Síðani koyrir tú yvir Almannaskarð inn í umráðið við Eysturfirðirnar – Tá Altafjørður og Hamarsfjørður eru farnir afturum, kemur tú fram til fiskivinnubygdina Djúpivogur. Hagani koyrir tú framvið teim hugnaligu eystur firðunum. Ein áhugaverd vitjan á leiðini er Steinsavnið hjá Petru, sum liggur í lítlu bygdini Stöðvarfjörður. Her fært tú at síggja ein urtagarð og eitt hús fult av fagurlittum íslendskum hálv-gimsteinum. Aftaná at hava koyrt runt Íslendsku firðirnar koyrir tú ígjøgnum Fagradalsskarðið til Egilsstaðir, týdningarmesta býin á eystursíðuni. Gist verður nærhendis ella á Egilsstøðum.
Day 15
Á morgni verður koyrt aftur til Seyðisfirðar og umborð á Norrönu.
Upplivingar í Íslandi
Stórslig náttúra, goysandi goskeldur, mektigir jøklar, brúsandi fossar og heitar keldur. Ísland er alt hetta, og nógv afturat.
Melda til tíðindabræv
Ynskir tú at móttaka tíðindabrøv frá Smyril Line við góðum tilboðum og íblástri?
